ماهرنګ بلوچ څوک ده او ولې په عمري بند محکومه شوې ده؟

د بلوچستان د پلازمېنې کوټې د ترهګرۍ ضد ځانګړې محکمې د بلوچ یووالي کمېټې مشرې ډاکټر ماهرنګ بلوچ ته د عمري بند سزا اورولې ده. دې پرېکړې په پاکستان دننه او نړیواله کچه بېلابېل غبرګونونه راپارولي دي. د پاکستان حکومت دغه پرېکړه قانوني بولي، خو د بشري حقونو فعالانو او ګڼو نړیوالو بشري حقونو سازمانونو دا اقدام د بشري حقونو او د عادلانه محاکمې له اصولو سره په ټکر کې بللی دی.